App Profile: Afarin Kids

پەروەردەکردنی منداڵان، باشترکردنی ڕەفتاریان و چاندنی بەها باڵاکان لە ڕێگەی ناوەڕۆکی هەمەچەشنی خۆشی بەخش، فێرکاری و پەروەردەیی.

ئایا دەتەوێت منداڵەکەت پەروەردەیەکی جوانی هەبێت و بەها باڵاکانی تێدا بچێنرێت؟
ئایا دەتەوێت منداڵەکەت دوور بێت لە ناوەڕۆکی نەشیاو و نا پارێزراو و نا پەروەردەیی؟
ئایا بەدوای ناوەڕۆکێکدا دەگەڕێیت بۆ منداڵەکەت کە گونجاو بێت بە تەمەنی؟

بە خێر بێیت بۆ ئەپڵیکەیشنی ئافەرین، ئەپێکی تاک و بێ وێنەیە کە بە شێوەیەکی خۆش و سەرنجڕاکێش منداڵ فێری بەها جوانەکان دەکات، ئافەرین ژینگەیەکی پارێزراو و سەرنجڕاکێش و ئامانجدار بۆ منداڵان دابین دەکات لە تەمەنی 2 ساڵییەوە تاکوو هەرزەکاری، ئەپەکە هەزاران پارچە کارتۆن و گۆرانی و سروود و چیرۆک بە زمانی کوردی لە خۆ دەگرێت کە گونجاوە بە تەمەنە جیاوازەکانی منداڵان.

سوودەکانی ئەپەکە:

هەموو ئەوەی بە دوایدا دەگەڕێیت بۆ منداڵەکەت، بەردەستە و لە خۆی دەگرێت.

دەروونت ئاسوودەیە بەوەی ئەپێکی پارێزراوە و دوورە لە هەر ناوەڕۆکێکی نەشیاو و نا پەروەردەیی.

منداڵەکەت فێری بەها باڵاکانی ئایینی پیرۆزی ئیسلام و کۆمەڵگەی ڕەسەنی کوردی دەبێت.

تەنیا کات بە فیڕۆدان نییە، بەڵکوو هەزاران پارچە ناوەڕۆکی فێرکاری سوود بەخش لە خۆ دەگرێت.

تەواوی ناوەڕۆکی ئەپەکە بە زمانی کوردییە و ئەمەش بەسوودە بۆ گەشەکردنی زمانی منداڵەکەت.

دەتوانرێت بە پێی تەمەنی منداڵەکەت ناوەڕۆکی ئەپەکە کۆنترۆڵ بکرێت.

دەتوانرێت ماوەی بەکارهێنانی ئەپەکە سنووردار و کۆنترۆڵ بکرێت.