App Profile: WBC Mongolia

Монгол Улсын бизнесийн салбарын томоохон хэсгийг албан бус секторын бизнес эзэлдэг төдийгүй аж ахуйн нэгжүүдийн дийлэнхийг жижиг, дунд үйлдвэр эрхлэгчид бүрдүүлж байгаа нь тус салбар цаашид өсөн дэвжих асар их нөөц бололцоотой болохыг харуулж байна.

Бүс нутаг дахь бусад улс орнуудыг бодвол Монгол Улсад эмэгтэйчүүдийн ажиллах хүчний оролцоо, мөн тэдний бизнесийн сектор дэх эдийн засгийн оролцоо нь эрэгтэйчүүдээс харьцангуй өндөр байна.

Гэсэн хэдий ч бизнес эрхлэгч эмэгтэйчүүдийн хувьд бусадтай мэдээлэл туршлага солилцох зорилгоор сүлжээ бий болгох, бизнесээ хөгжүүлж өргөжүүлэхэд хэрэгтэй мэдээлэл олж авах, технологийн дэвшлийг бизнестээ ашиглах, аж ахуй эрхлэхтэй холбоотой үйл ажиллагаанд шаардлагатай санхүүгийн дэмжлэгт хамрагдах асуудлууд хүндрэлтэй хэвээр байна.

Бизнес эрхлэгч эмэгтэйчүүдийн бизнес хөгжлийг дэмжин, тэдэнд тулгардаг саад бэрхшээлүүдийг даван туулахад тусалснаар Монгол Улсын эдийн засаг илүү тогтвортой болж, эмэгтэйчүүдийн идэвхтэй оролцоогоор дамжуулан ажлын байрыг нэмэгдүүлэх боломжтой юм.